niyo piskisīsak

pīyakwāw īsa kayās ikī īhtawāk nīyo piskisīsāk; amisk ā-sōhkatoskīt ikwa papīyāhtakisit, maskosis kā-maskawisīt ikwa nanākatīthihcikīt, wāpos kā-tatāstapīt ikwa sōhkitihīt, ikwa iskwayānīhk anikwacās kā-ācimoskit ikwa nīhtā-otamīhot.
Ikwa, pīyakwāw īsa ōko piskisīsāk kī-papāmih mītawīwāk nōhcimihk…. ī-kā-kāsōtātocik īsa; amisk īsa kāsow pikochōpīkosīhk “namōtha ōta nika miskāk nisīmis” itīthihtam īsa. Maskosis ikwa wītha wātīhk īsa kā-kakwī kāsōt māka namōtha īsa kiskīthihtam ahpīhtāw osōs kītapich ī-nōkanithik,”ōta namōtha nika miskāk nisīmis osām wantipiskānkwan” itīthihtam īsa. Wāpos ikwa kā-asawāpāhta tanita kita kāsōt…. wāpāhtam īsa nīpisiyah ī-āsastīthikih ikwa pįyakwan ōwāyān ī-isinākwanthikih…. “āha ōta nika kāsōn….. kīhcināch namōtha nika miskāk ōta nisīmis osām ni-nīhtāh kātison pīyakwān nīpisiya īsinakwāhk ni-wayān” itīthihtam īsa īyako.
Ikwa…. anikwacās īsa ati kīsih akīhtāsiw “ kīka-mitātaht, mitātaht….. ikwānih kika miskātināwāw ikwa” itīw īsa omisā ikwa ostīsā ī-mōcikwīthihtāhk kita mītawīt……..
And that folks is the beginning of chapter one of my piskisīsāk series of children’s stories…. what do you think? I want a series of storybooks for my children to read and share with their children once they have children of their own👍🏼 any and all feedback is welcomed

2 thoughts on “niyo piskisīsak”

  1. piyakwāw īsa kayās ī-kī-ihtawāk niyo piskisīsak; amisk ī-sōhkatoskīt ikwa ī-papiyāhtakisit, maskosis kā-maskawisīt ikwa kā-nanākatīthihcikīt, wāpos kā-tatāstapīt ikwa kā-sōhkitihīt, ikwa iskwayānihk anikwacās kā-ācimoskit ikwa nihtā-otamihot.
    ikwa, piyakwāw īsa ōko piskisīsāk kī-papāmi-mītawīwak nōhcimihk… ī-kī-kāsōtātocik īsa; amisk īsa kāsow [pikocōpīkosīhk?] “namōtha ōta nika-miskāk nisīmis” itīthihtam īsa.
    maskosis ikwa wītha wātīhk īsa kā-kakwī-kāsōt māka namōtha īsa kiskīthihtam āhpihtāw-osōs kiyāpic ī-nōkwanithik. “ōta namōtha nika-miskāk nisīmis osām wanitipiskinākwan” itīthihtam īsa.
    wāpos ikwa kā-asawāpahtahk tānita kita-kāsōt…wāpahtam īsa nīpisiya ī-asastīthiki ikwa piyakwan owayān ī-isinākwanithiki. “āha ōta nika-kāsōn… kihcināc namōtha nika-miskāk ōta nisīmis. osām ni-nihtā-kātison piyakwān nīpisiya ī-isinākwahk niwayān” itīthihtam īsa iyako.
    ikwa…anikwacās īsa ati-kīsi-akihtāsow “ kīkāmitātaht, mitātaht. ikwāni kika-miskātināwāw ikwa” itīw īsa omisā ikwa ostīsā ī-mōcikīthihtahk kita-mītawīt.

    wahwā! “mistahi mitho-mācihtāwin ōma” ōma ī-itīthihtamān. poko atiht kīkwaya kā-nōhtī-kiskisitotātin. poko piyak itwīwin namōtha nikī-miskīn!

Leave a Reply

Your email address will not be published. Required fields are marked *